Board logo

標題: 粵語版《出師表》 [打印本頁]

作者: kevin7    時間: 2016-1-4 08:52     標題: 粵語版《出師表》

你伯爺出黎行,半路就去咗賣鹹鴨蛋,睇個勢,依家個地盤分成三夸,益州睇黎都系保唔住嘅勒,以後個世道睇黎都幾難崖。但系你伯爺留低班細慨都好忠心,班懵柄出去劈友連命都唔要,呢D都系睇在你老豆以前俾錢又俾女的份上,現家想報答返你嗜。

拿,阿叔我現家就只系想你醒醒定定,搞掂你老豆嘅遺願,等D兄弟都有得威;千祈唔好將自己當成一夸叉燒,辜負左班手足。

家嚇班兄弟都系自己友嚟,想鬧邊個摑邊個,都要公平;唔俾心機做野嘅,成日系度搞三搞四嘅,同埋份人忠忠直直嘅,就交俾保衛科,應該斬手既斬手,應該升職嘅就升職,甘樣就表現到你對大家都系公平嘅,你千其唔好幫埋一邊,對大家大細超。 轉載注明forum.one2.hk 論壇

郭仔、費仔、董仔,份人都好老實,做野好周到,你爺伯在世個時就特別睇得起佢地,臨死前叫佢地好好幫扶你,阿叔我話齋,會裡面大大細細嘅 事情都可以交俾佢地;你個個懵柄向叔,人好好,亦都好生猛,劈得玩得,你伯爺都話佢「掂」,你得就提拔一下,我覺得收陀地劈友嘅事就交俾佢,一定可以搞大 我地個地盤,以後就冇人敢惹我地架勒。

我地舊陣時個會點解開始甘勁呢,就系因為一直收埋D老實人,趕走D呃飲呃食既,後黎點解會搞到甘衰,就系因為身邊剩番班口吸吸當秘笈 嘅廢人,你伯爺以前次次同我傾計,講起呢單野都赤赤痛。侍中、尚書、長史、參軍,呢幾條友都系阿叔我斬過雞頭嘅好兄弟,你一定要信佢地,我地會重振雄風之 日就指意曬你勒!

阿叔本來就繫個耕田佬,系南陽都有番幾夸田,在呢個人隊人既時代,我不想隊人,只系想唔俾人隊。

你伯爺唔嫌棄我,三日唔埋兩日就走去我屋企,問我點搞好個會,阿叔我就感激到標曬馬尿,甘就跟左你老豆啦。 後黎我地會同操爺個會開片,衰左,阿叔我撐住成個會,到現家都廿幾年羅。

你伯爺知道阿叔我醒目,所以賣鹹鴨蛋之前就將大事都交託曬俾我,自從換左你做阿頭之後,我就日日失眠,擔心辜負左大佬嘅心意,所以五月個 時就帶住班手兄開船過河,去個個山K啦嘅地方,搞掂曬所有應該搞定嘅野。依家南邊無人再敢搞三搞四,我地班靚又人強馬壯,應該好好地俾班手足疏弗下。然後 再將中原打番番黎,將個D冇本心嘅二五仔通通做低曬,將我地個D忠字頭嘅都扶番起身。咁樣我就算對得你伯爺住啦。至於要點搞,林橋呢D甘嘅野就要靠攸之、 禕仔、允仔佢地勒。
轉載注明forum.one2.hk 論壇
呢一次阿叔我就系去劈班契弟,劈唔成嘅話你話點就點。如果搞唔掂個會,你就去搵攸之、禕仔、允仔,我就唔信個班野敢吃碗麵反碗底。阿仔 你都應該搵個時間好好地甘諗下你伯爺既話。甘你阿叔我就好欣慰啦。得啦得啦,時間到,去劈友啦,男人老狗,標曬馬尿甘,都唔知講左D乜野。(其實我覺得哩句才是中心句,「不知所言」)

原文
先帝创业未半而中道崩殂(cú)。今天下三分,益州疲(pí)弊,此诚危急存亡之秋也。然侍卫之臣不懈于内, 忠志之士忘身于外者,盖追先帝之殊遇,欲报之于陛下也。诚宜开张圣听,以光先帝遗德,恢弘志士之气,不宜妄自菲薄,引喻失义,以塞(sè)忠谏之路也。
宫中府中,俱为一体;陟(zhì )罚臧(zāng)否(pǐ),不宜异同;若有作奸犯科及为忠善者,宜付有司论其刑赏,以昭陛下平明之理;不宜偏私,使内外异法也。
侍中、侍郎郭攸(yōu)之、费祎(yī)、董允等,此皆良实,志虑忠纯,是以先帝简拔以遗(wèi)陛下。愚以为宫中之事,事无大小,悉以咨之,然后施行,必能裨(bì)补阙(quē)漏,有所广益。
将军向宠,性行淑均,晓畅军事,试用于昔日,先帝称之曰能,是以众议举宠为督。愚以为营中之事,悉以咨之,必能使行(háng )阵和睦,优劣得所。
亲贤臣,远小人,此先汉所以兴隆也;亲小人,远贤臣,此后汉所以倾颓也。先帝在时,每与臣论此事,未尝不叹息痛恨于桓、灵也。侍中、尚书、长(zhǎng)史、参军,此悉贞良死节之臣,愿陛下亲之信之,则汉室之隆,可计日而待也。
臣本布衣,躬耕于南阳,苟全性命于乱世,不求闻达于诸侯。先帝不以臣卑鄙,猥(wěi)自枉屈,三顾臣于草庐之中,咨臣以当世之事,由是感激,遂许先帝以驱驰。后值倾覆,受任于败军之际,奉命于危难之间,尔来二十有(yòu )一年矣。轉載注明forum.one2.hk 論壇
先帝知臣谨慎,故临崩寄臣以大事也。受命以来,夙(sù)夜忧叹,恐托付不效,以伤先帝之明,故五月渡泸,深入不毛。今南方已定,兵甲已足,当奖率三军,北定中原,庶(shù)竭驽(nú)钝,攘(rǎng)除奸凶,兴复汉室,还于旧都。此臣所以报先帝而忠陛下之职分也。至于斟酌损益,进尽忠言,则攸之、祎、允之任也。
愿陛下托臣以讨贼兴复之效,不效,则治臣之罪,以告先帝之灵。若无兴德之言,则责攸之、祎、允等之慢,以彰其咎(jiù)。陛下亦宜自谋,以咨诹(zōu)善道,察纳雅言,深追先帝遗诏。臣不胜受恩感激。
今当远离,临表涕零,不知所言。




歡迎光臨 flash player 免費下載 (http://www.flashplayer.tw/) Powered by Discuz! 6.1.0